Veitingastaðurinn í dalnum
|
Þann 1. september 2011 keyptu Haraldur Bóasson og Þóra Fríður Björnsdóttir fyrirtækið Útibú ehf. sem áður var í eigu hlutafélagsins Kjarna. Tekin var ákvörðun um að halda í nafnið, enda hefur staðurinn gengið í gegnum nokkrar nafnabreytingar í gegnum árin og Dalakofinn hafði sest vel í sessi hjá viðskiptavinum.
Húsið sem hýsir Dalakofann var byggt árið 1962 sem útibú frá Kaupfélagi Þingeyinga. Húsnæðið var þá fyrst og fremst verslunarhúsnæði. Árið 1999 fékk staðurinn nýtt hlutverk undir nafninu Laugasel, og var staðnum þá breytt í núverandi mynd, með veitingastað þar sem áður var verslun og verslun þar sem áður var lager. Staðurinn er nú rekinn sem fjölskyldufyrirtæki. Við reynum eftir bestu getu að þjóna viðskiptavinum okkar svo vel sem kostur er og koma til móts við þarfir þeirra. |
Haraldur, Þóra Fríður og börnin þeirra fjögur
|
Viðburðir - Dalasvar, fundir, kótilettukvöld....
Í Dalakofanum höldum við reglulega viðburði af alls kyns toga. Á milli jóla og nýárs höfum við haldið okkar frægu barsvar keppni, sem kallast Dalasvar, þar sem 2-4 eru saman í liði og láta reyna á þekkingu sína á ýmsum málefnum. Við sýnum alla stærstu fótboltaleikina á risatjaldinu okkar sem og landsleiki í handbolta og fótbolta.
Við höfum frábæra aðstöðu til fundarhalda en bæði er hægt að nýta aðalsalinn okkar, sem rúmar allt að 50 manns, sem og sólskálann sem rúmar 25-30 manns. Við erum m.a. með þráðlausa hljóðnema, hljóðkerfi og skjávarpa sem fundarhöldurum býðst að nota. Allt frá stærri félagasamtökum til lítilla nefnda halda reglulega fundi í sölunum okkar. Hægt er að panta veitingar á fundinn, hvort sem um er að ræða súpu og brauð, kaffi og kökur, pizzuhlaðborð eða annað. Endilega hafið samband við okkur til að fá nánari upplýsingar.
Kótilettukvöld okkar hafa slegið vel í gegn, þar sem menn koma saman og fá þjónað kótilettur upp á gamla mátann með vel af smjöri, brúnuðum kartöflum, rauðkáli og grænum baunum. Þá er veislunni lokað með ís og kokteilávöxtum í eftirrétt.
Endilega finnið okkur á Facebook og Instagram til að fylgjast með því sem er um að vera hjá okkur.
Við höfum frábæra aðstöðu til fundarhalda en bæði er hægt að nýta aðalsalinn okkar, sem rúmar allt að 50 manns, sem og sólskálann sem rúmar 25-30 manns. Við erum m.a. með þráðlausa hljóðnema, hljóðkerfi og skjávarpa sem fundarhöldurum býðst að nota. Allt frá stærri félagasamtökum til lítilla nefnda halda reglulega fundi í sölunum okkar. Hægt er að panta veitingar á fundinn, hvort sem um er að ræða súpu og brauð, kaffi og kökur, pizzuhlaðborð eða annað. Endilega hafið samband við okkur til að fá nánari upplýsingar.
Kótilettukvöld okkar hafa slegið vel í gegn, þar sem menn koma saman og fá þjónað kótilettur upp á gamla mátann með vel af smjöri, brúnuðum kartöflum, rauðkáli og grænum baunum. Þá er veislunni lokað með ís og kokteilávöxtum í eftirrétt.
Endilega finnið okkur á Facebook og Instagram til að fylgjast með því sem er um að vera hjá okkur.
